Bullgaria renditet në krye të Evropës për jetëgjatësinë në gjendje të mirë shëndetësore

Bullgarët renditen të tretët midis 30 vendeve evropiane për sa i përket jetëgjatësisë në një gjendje të mirë shëndetësore, sipas të dhënave të Eurostat.

Bashkatdhetarët tanë jetojnë me shëndet të mirë për një mesatare prej 68.6 vjetësh dhe sipas këtij treguesi vendi ynë tejkalohet nga Malta dhe Italia.

Gratë bullgare janë në vendin e dytë për nga ky tregues. Sipas të dhënave në vitin 2023, gratë bullgare jetuan mesatarisht deri në 71 vjet me shëndet të mirë, duke u tejkaluar vetëm nga gratë malteze, të cilat kishin një muaj më shumë. Në fund të renditjes janë gratë nga Zvicra, Danimarka dhe Letonia, të cilat qëndrojnë me shëndet të mirë mesatarisht vetëm deri në moshën 54-55 vjeç.

Burrat bullgarë renditen gjithashtu në pozicione kryesore, përkatësisht në vendin e pestë, duke arritur një mesatare prej 66.3 vjetësh me shëndet të mirë. Para burrave bullgarë në renditje janë Malta, Italia, Suedia dhe Norvegjia, me burrat maltezë që arrijnë 71.7 vjet. Në fund janë Sllovakia, Estonia dhe Danimarka, me përkatësisht 56.8 vjet, 56.5 vjet dhe 51.2 vjet.

Përpiloi: Miglena Ivanova

Përgatiti në shqip dhe publikoi: Vesella Mançeva

Foto: BTA