Mbi 70 artizanë do të marrin pjesë në Panairin e Artizanatit që fillon sot në fshatin Oreshak pranë Trojanit

Mbi 70 mjeshtër artizanë do të marrin pjesë në Panairin tradicional të Artizanatit në fshatin Oreshak pranë Troanit, i cili fillon më 14 gusht dhe do të zgjasë deri të dielën, njoftoi korrespondenti i BNR-së Pllamen Hristov. Mjeshtrit e artizanatit tradicional bullgar do të ngrenë tendat e tyre në rrugën përpara Ekspozitës Kombëtare të Artizanatit dhe Arteve në Oreshak, menjëherë pranë Manastirit të Trojanit.

Panairi, i cili është më i madhi në Bullgarinë Veriore, daton që nga shekulli i 18-të dhe mbahet në ditët përreth festës së madhe të krishterë Fjetja e Hyjlindëses Mëri - 15 gusht.

Këtë ditë, Manastiri i Trojanit do të kremtojë festën e tij të tempullit. Pas Liturgjisë Hyjnore të premten, ikona mrekullibërëse e Nënës së Shenjtë të Zotit me Tre Duar, e mbajtur atje për shekuj me radhë, do të mbartet në një procesion nga kisha e manastiritderi në faltoren aty pranë, ku është kryer mrekullia e saj e parë në vitin 1600. Besimtarët do të jenë në gjendje ta prekin ikonën dhe të luten për shëndet dhe mirëqenie.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA - arkiv