Parashikimi i motit për 23 gushtin

Natën, në disa vende në pjesën qendrore dhe lindore të vendit do të ketë reshje të shkurtra shiu me bubullima. Deri në mëngjes reshjet do të ndalen. Vranësirat do të ulen nga perëndimi. Do të ketë erëra të moderuara, në Fushën e Danubit dhe Ultësirën e Epërme Trake - erëra të forta nga perëndimi-veriperëndimi.

Të shtunën do të jetë kryesisht me diell. Mbi rajonet lindore dhe ekstreme jugore vranësirat do të jenë të ndryshueshme, shpesh të konsiderueshme. Në orët e pasdites do të ketë reshje të shkurtra shiu dhe aktivitet stuhish kryesisht në rajonet malore të Bullgarisë Jugore. Era do të mbetet e moderuar dhe përkohësisht e fortë nga perëndimi-veriperëndimi. Temperaturat maksimale do të jenë midis 26° dhe 31°, për Sofjen - rreth 26°.

Mbi bregdetin e Detit të Zi do të ketë vranësira të ndryshueshme, por nuk priten reshje. Para mesditës, do të fryjë një erë e moderuar dhe e fortë veriperëndimore, e cila në gjysmën e dytë të ditës do të orientohet nga veriu-verilindja. Temperaturat maksimale do të jenë midis 26° dhe 29°. Temperatura e ujit të detit është 25°-26°. Dallgëzimi i detit do të jetë 2-3 ballë.

Në male para mesditës do të jetë kryesisht me diell. Vranësirat do të jenë më të konsiderueshme mbi Rodopet dhe Stranxhën. Do të ketë reshje të shkurtra shiu dhe bubullima në orët e pasdites kryesisht në Rodope. Erëra të forta, dhe në pjesët më të larta - përkohësisht të stuhishme, do të vazhdojnë të fryjnë nga perëndimi-veriperëndimi. Temperatura maksimale në një lartësi prej 1200 metrash do të jetë rreth 18°, në 2000 metra - rreth 13°.

Redaktoi: Darina Grigorova

Përgatiti në shqip dhe publikoi: Vesella Mançeva

Foto: BGNES