U arrit marrëveshje për Buxhetin e vitit 2026

Është arritur një marrëveshje mbi parametrat kryesorë të projektit të ri të Ligjit për Buxhetin e Shtetit për vitin 2026. Kjo u deklarua nga Ministrja e Financave Temenuzhka Petkova pas një takimi me sindikatat dhe punëdhënësit në lidhje me përgatitjen e projektbuxhetit të ri për vitin 2026. Ai do t'i paraqitet parlamentit javën e ardhshme. Vitin tjetër, pagat në sektorin publik do të rriten me 10%. Paga minimale mbetet në nivelin e propozuar prej 620 eurosh, por nga viti 2027, është e mundur të eliminohet automatizmi në llogaritjen e saj. Pragu maksimal i sigurimeve shoqërore vitin e ardhshëm do të jetë 2,300 euro, tha Petkova.

Masat më të kontestuara nga biznesi nga projektbuxheti i tërhequr po hiqen - rritja e taksës së dividentëve nga 5 në 10%; zbatimi i softuerit të rregulluar nga shteti për menaxhimin e shitjeve në pikat e shitjes me pakicë; rritja e kontributit të sigurimeve shoqërore me 2 përqind nga 1 janari 2026. 

Diskutimi përfundimtar i buxhetit të Këshillit Trepalësh do të mbahet të hënën. Pakënaqësia me projektbuxhetin e mëparshëm shkaktoi protestat më të mëdha në Bullgari në dekadat e fundit.

• Bullgaria pas protestave – buxheti u tërhoq, qytetarët këmbëngulin për vlerat

 

 

Redaktoi: Miglena Ivanova

Përgatiti në shqip: Vesella Mançeva