PP-DB i bëri thirrje Kryeministrit që të paraqesë dorëheqjen e kabinetit

"Po e Vazhdojmë Ndryshimin - Bullgaria Demokratike" (PP-DB) i bëri thirrje qeverisë që të paraqesë menjëherë dorëheqjen e saj. "Po i drejtohemi Rosen Zheljazkovit - nëse i ka mbetur pak dinjitet, duhet të vijë në parlament dhe ta paraqesë atë", tha bashkëkryetari i "Po, Bullgarisë" Ivajllo Mirçev. 

"Shpresoj fuqimisht që sot të gjithë deputetët që duhet të shtypin butonin në orën 13:30 për të mbështetur qeverinë ose për të votuar për një votë mosbesimi do t'i dëgjojnë njerëzit që ishin në shesh dje, dhe ata kanë një kërkesë - dorëheqjen", komentoi gjithashtu kryetari i "Po e Vazhdojmë Ndryshimin", Asen Vasilev për gazetarët. 

Lidhur me protestën e mbrëmshme antiqeveritare, deputeti tha se mbledhja e 150 000 njerëzve në një vend nuk ka ndodhur kurrë në historinë tonë të kohëve të fundit. “Mbi 80% tashmë duan dorëheqjen e kësaj qeverie, përfshirë votuesit e “Ka një popull i tillë” dhe BSP-së (pjesëmarrës në koalicionin qeverisës – red.)”, shtoi ai. 

Asen Vassilev tha gjithashtu se ne kemi nevojë për zgjedhje sa më shpejt të jetë e mundur në mënyrë që njerëzit që janë jashtë të mund të shkojnë dhe të votojnë. Ai parashikon një pjesëmarrje në votime që do t'i japë legjitimitet një qeverie të re. Megjithatë, nëse njerëzit nuk dëgjohen, do të pasojnë protesta edhe më të mëdha, paralajmëroi deputeti. 

Që të ketë zgjedhje të drejta, njerëzit duhet të përfshihen në procesin zgjedhor si vëzhgues dhe anëtarë të komisioneve seksionale, është i mendimit Asen Vasilev. 

•  Protesta masive antiqeveritare në të gjithë Bullgarinë
  

Redaktoi: Diana Cankova

Përgatiti në shqip: Vesella Mançeva