APS nderoi viktimat e të ashtuquajturit “Procesi i Rilindjes”

Aleanca për të Drejtat dhe Liritë (APS)* i bëri homazh viktimave të të ashtuquajturit “Procesi i Rilindjes” duke vendosur lule dhe kurora para monumentit të më të vogles ndër ta - Türkan 17-muajshe, në fshatin Kirkovo të Mogiljane. Në monumentin e shatërvanit ishin të pranishëm bashkëkryetarët e partisë Taner Ali, Sevim Ali dhe Hajri Sadëkov, deputetë, dhe Konsulli i Përgjithshëm i Turqisë në Plovdiv Emre Manav.

Në vitin 2025, mbushen 41 vjet që nga ndryshimi me forcë i emrave turq në emra bullgarë me urdhër të regjimit komunist. Gjatë Procesit të Rilindjes, 850 mijë myslimanë u riemëruan - prej tyre mbi një mijë u dërguan në burgje ose në kampin e përqendrimit të Belenes, 29 persona u vranë dhe dhjetëra u plagosën.

• 41 vjet nga protestat e turqve bullgarë kundër ndryshimit të emrave të tyre

 “Sot jemi këtu jo vetëm për të nderuar kujtimin e viktimave tona, por edhe për t’i bërë thirrje shoqërisë, si dhe kryetarëve të bashkive të këtyre komunave dhe institucioneve, që të jenë të mirë me njerëzit dhe të mos i detyrojnë ata të bëjnë gjëra”, tha Taner Ali, i cituar nga BTA. Ai theksoi se pikërisht për shkak të demokracisë dhe mbrojtjes së të drejtave të njeriut, Ahmed Dogan u detyrua të krijonte përsëri një parti.

Bashkëkryetari i APS-së është i bindur se në parlamentin e ardhshëm forca politike do të ketë më shumë deputetë: “Sepse ne jemi pasardhësi ideologjik dhe historik i Lëvizjes për të Drejtat dhe Liritë (DPS) autentike – asaj që u krijua nga kryetari ynë më 4 janar 1990.”

---

*Aleanca për të Drejta dhe Liri (APS), e njohur edhe si DPS – Dogan, është një koalicion politik bullgar. Koalicioni pretendon se përfaqëson Lëvizjen për të Drejta dhe Liri (DPS) - partia që gëzon mbështetje kryesisht nga turqit bullgarë, romët dhe myslimanët në Bullgari, pas një mosmarrëveshjeje për udhëheqjen e partisë.

---

Lexoni më shumë në arkivin e Radio Bullgarisë:

• 35 vjet më parë Todor Zhivkov shpalli dëbimin e turqve bullgarë

Redaktoi: Diana Cankova

Përgatiti në shqip: Vesella Mançeva