Presidenti do t’ia dorëzojë mandatin grupit të dytë parlamentar

Presidenti Rumen Radev do t'i dorëzojë sot, 14 janar, mandatin për formimin e qeverisë kandidatit për kryeministër, të nominuar nga grupi i dytë më i madh parlamentar në Asamblenë e 51-të Kombëtare. Ky është koalicioni "Po e Vazhdojmë Ndryshimin - "Bullgaria Demokratike" (PP-DB). PP-DB tashmë ka njoftuar se do ta kthejë menjëherë mandatin e paplotësuar.

Sipas Kushtetutës, presidenti mund të bëjë tre përpjekje për të formuar një qeveri, ku dy mandatet e para i jepen grupit të parë dhe të dytë parlamentar, ndërsa i treti i jepet një grupi tjetër parlamentar sipas vlerësimit të kreut të shtetit.

Grupi i parë parlamentar - GERB-SDS, e ktheu mandatin pas marrjes së tij, siç pritej.

Deri këtu u arrit pasi kabineti i Rosen Zheljazkovit dha dorëheqjen. Ajo u provokua nga protesta të mëdha në mbarë vendin në fund të vitit të kaluar, pasi qeveria propozoi një buxhet që përfshinte një rritje të disa taksave dhe mungesë reformash.

.

Redaktoi: Miglena Ivanova

Përgatiti në shqip: Vesella Mançeva