APS do të marrë mandatin e tretë për të formuar një kabinet

Më 16 janar, të premten, Presidenti Rumen Radev do t'ia dorëzojë mandatin e tretë për të formuar një qeveri në kuadër të Asamblesë së 51-të Kombëtare kandidatit për kryeministër, të nominuar nga grupi parlamentar i "Aleancës për të Drejtat dhe Liritë" (APS), njoftoi Presidenca.

APS-ja, të cilën shoqëria e lidh me Ahmed Dogan, është forca e shtatë parlamentare, me 15 deputetë.

"Ne do ta pranojmë mandatin, do ta diskutojmë me kolegët tanë dhe do t'ju tregojmë se çfarë do të ndodhë më pas", tha kryetari i Grupit Parlamentar të APS-së, Hajri Sadëkov, duke falënderuar presidentin për zgjedhjen. "Ne e pranojmë dhënien e mandatit të tretë eksplorues grupit tonë parlamentar si një vlerësim të ndjeshëm të përpjekjeve tona të vazhdueshme në kuadër të Asamblesë së 51-të Kombëtare për të mbështetur parimet e demokracisë, shtetësisë dhe unitetin dhe forcën institucionale të shtetit", tha Sadëkov.

Sipas Kushtetutës, mandati i parë eksplorues i jepet kandidatit për kryeministër nga grupi më i madh parlamentar, mandati i dytë – grupit të dytë më të madh, dhe mandati i tretë - një force parlamentare të zgjedhur nga presidenti. GERB-SDS dhe “Po e Vazhdojmë Ndryshimin – Bullgaria Demokratike (PP-DB) i kthyen përkatësisht mandatet e para dhe të dyta të paplotësuara.

• Ia kthyen presidentit edhe mandatin e dytë për formimin e qeverisë
• Siç pritej, GERB‑SDS ia ktheu Presidentit mandatin për formimin e qeverisë

 

Redaktoi: Miglena Ivanova

Përgatiti në shqip: Vesella Mançeva