Pas tre mandateve të kthyera për formimin e kabinetit, vendi shkon në zgjedhje

Presidenti Rumen Radev i dorëzoi mandatin e tretë hulumtues për formimin e qeverisë grupit parlamentar të “Aleancës për të Drejta dhe Liri” (APS). Në emër të aleancës, Hajri Sadëkov e ktheu mandatin i papërmbushur.

“Grupi ynë parlamentar më autorizoi ta kthej mandatin e tretë të papërmbushur, në mënyrë që me përpjekje të përbashkëta të realizojmë zgjedhje të ndershme, të lira, transparente dhe demokratike”, tha Hajri Sadëkov.

Presidenti reagoi shkurt ndaj mandatit të kthyer dhe deklaroi: “shkojmë në zgjedhje”. Pas kësaj, përfaqësuesit e APS mbetën për një takim me presidentin me dyer të mbyllura.

Tani pritet që kreu i shtetit të përcaktojë cilit nga personat e parashikuar në Kushtetutë do t’i ngarkohet formimi i një qeverie të përkohshme për organizimin e votimit.

• Ia kthyen presidentit edhe mandatin e dytë për formimin e qeverisë
• Siç pritej, GERB‑SDS ia ktheu Presidentit mandatin për formimin e qeverisë

 

 

Redaktoi: Ivo Ivanov

Përgatiti në shqip: Vesella Mançeva