Do të mbështetemi te bullgarët nga diaspora, jo te punëtorët e vendeve të treta

Importi i fuqisë punëtore nga vendet e treta jashtë BE-së është një masë e përkohshme, tha në parlament zëvendëskryeministri dhe Ministri i Inovacionit dhe Rritjes në dorëheqje Tomisllav Donçev.

Sipas tij, e ardhmja e tregut të punës në Bullgari nuk qëndron te importi i fuqisë punëtore, por te kthimi i bullgarëve jashtë vendit në vend. Zëvendëskryeministri zhvilloi tezën se kthimi do të rritet sapo PBB-ja për frymë të arrijë 70% të nivelit mesatar evropian, raporton BTA.

"Faktori kryesor për konkurrueshmërinë e ekonomisë bullgare do të jetë cilësia e kapitalit njerëzor", tha Donçev në përgjigje të një pyetjeje nga partia “Vëzrazhdane” e bërë gjatë një kontrolli të shpejtë parlamentar.

 

Lexoni më shumë në arkivin tonë: 

• Mbi 200 bullgarë që jetojnë jashtë vendit shprehin çdo ditë dëshirën për t'u kthyer

 

 

Redaktoi: Ivo Ivanov

Përgatiti në shqip: Vesella Mançeva