Bullgaria i bashkohet iniciativës ndërkombëtare “Illuminations” të Giro d’Italia

Njëqind ditë para fillimit të një prej garave më prestigjioze të çiklizmit në botë – Giro d’Italia, vendi ynë po i bashkohet iniciativës ndërkombëtare “Illuminations”, njoftoi Ministria e Turizmit. Për herë të parë në historinë e saj 109-vjeçare, gara e çiklizmit “Via Italia” do të fillojë nga Bullgaria dhe do të kalojë nëpër dhjetëra komuna. 

Fushata parashikon që vendet emblematike kulturore dhe historike në qytetet pritëse të ndriçohen me ngjyrë roze – ngjyra simbolike e garës dhe e fanellës legjendare me ngjyrë roze e udhëheqësit “maglia rosa”. Në vendin tonë, kjo vlen për muret e fortesës së Qytetit të Vjetër në Nesebër, Urën e Burgasit, Kalanë e Carevecit në Veliko Tërnovo, Kolodrumin në Plovdiv dhe Pallatin Kombëtar të Kulturës të kryeqytetit. 

"Giro d'Italia është një mënyrë për t'u treguar natyrën, kulturën dhe historinë e vendit miliona njerëzve në mbarë botën. Duke përfshirë Bullgarinë në nismën e “Illuminations”, ne edhe një herë deklarojmë praninë tonë në hartën turistike globale si një destinacion tërheqës dhe i larmishëm", thotë Ministri në dorëheqje i Turizmit Mirosllav Borshosh.  

 

 

Redaktoi: Diana Cankova

Përgatiti në shqip: Vesella Mançeva