U hoq bllokada për kamionët drejt Maqedonisë së Veriut, ndaj Serbisë mbetet

U hoq bllokada për trafikun e mjeteve të rënda midis Bullgarisë dhe Maqedonisë së Veriut. Protestat e transportuesve nga Maqedonia e Veriut u ndërprenë në të gjitha pikat kufitare. Ato nisën të hënën për shkak të zbatimit të plotë të sistemit “hyrje–dalje”, të miratuar nga BE-ja në vitin 2017. Vendimi për ndërprerjen e protestës nga Shoqata “Makam-Trans” erdhi pasi ministri i transportit në Shkup, Aleksandar Nikolloski, njoftoi në Facebook se Brukseli do të miratojë një strategji vizash, që do të zgjidhë problemin e shoferëve profesionistë.

Protesta është ndërprerë edhe në Malin e Zi, por në Serbi vazhdon. Në territorin serb nuk lejohen të kalojnë automjete transportuese në të gjitha pikat kufitare me Bullgarinë. Lëvizja e automjeteve të lehta dhe e autobusëve në të dy drejtimet nuk është ndërprerë, njoftuan nga “Policia Kufitare”.

• Kufijtëdrejt Serbisë dhe Maqedonisë së Veriut mbeten të bllokuar për kamionët

Redaktoi: Ivo Ivanov
Përgatiti në shqip: Svetllana Dimitrova