Presidentja fillon konsultimet me grupet parlamentare për kryeministër teknik

Presidentja Ilijana Jotova fillon konsultimet me përfaqësuesit e grupeve parlamentare në Kuvendin e 51-të, në kuadër të procedurës për emërimin e kryeministrit teknik. Sot ajo do të zhvillojë takime të njëpasnjëshme me përfaqësuesit e dy forcave të para parlamentare – GERB‑SDS dhe “Po e Vazhdojmë Ndryshimin”–“Bullgaria Demokratike” (PP-DB).

Në takimet paraprake me 10 personat që, sipas Kushtetutës, mund të mbajnë këtë post, pesë prej tyre dhanë pëlqimin të jenë kryeministër të përkohshëm – nënkryetari i Bankës Kombëtare Bullgare (BNB) Andrej Gjurov, zëvendës‑avokatja e popullit Maria Filipova, kryetari i Gjykatës së Auditorëve Dimitër Gllavçev dhe nënkryetarët Margarita Nikollova dhe Sillvija Këdreva.

Para disa ditësh, një pyetjeje nga gazetarët për datën e mbajtjes së zgjedhjeve parlamentare, Ilijana Jotova iu përgjigj duke theksuar se do të marrë vendim pasi të përfundojë procedura kushtetuese.

 

Redaktoi: Miglena Ivanova

Përgatiti në shqip: Vesella Mançeva