MEÇ shpalli kandidatin për kryeministër teknik dhe u largua nga konsultimet

Gjatë konsultimeve me përfaqësues të grupeve parlamentare në Kuvendin e 51-të për caktimin e kryeministrit teknik, presidentja Ilijana Jotova u takua fillimisht me APS, e më pas edhe me përfaqësues të MEÇ.

“Kandidatura e vetme e mundshme është ajo e nën-guvernatorit të Bankës Kombëtare Bullgare (BNB), Andrej Gjurov, sepse vetëm ai mund të emancipohet nga modeli i Peevskit dhe Borisovit”, deklaroi kryetari i “Moral, Unitet, Nder” (MEÇ), Radostin Vasilev.

• APS: Gjurov kryeministër teknik dhe veto për seksionet jashtë vendit

Pas kësaj, nga MEÇ thanë se për ta konsultimet janë të pakuptimta. Sipas Vasilevit, pasi presidenti Rumen Radev ka dhënë dorëheqjen, edhe Ilijana Jotova si nën-presidente duhej të kishte bërë të njëjtën gjë, sepse në shoqëri u krijua përshtypja se “Radevi e ka përdorur presidencën për të krijuar parti, ndërsa Ilijana Jotova – postin presidencial për fushatën e saj të ardhshme” pas përfundimit të mandatit aktual, të cilin ajo e mori nga Radevi. Pas këtyre kritikave, përfaqësuesit e partisë e lanë takimin.

 

Redaktoi: Miglena Ivanova

Përgatiti në shqip: Vesella Mançeva