Me gajde dhe veshje popullore u pritën olimpistët tanë në Bansko

Bansko priti medalistin olimpik Tervell Zamfirov, motrën e tij Malena Zamfirova, Aleksandër Krëshnjak dhe trajnerët e ekipit kombëtar të snowboard-it me një ceremoni të veçantë në zonën “Shiligarnika” në Bansko. Shumë njerëz erdhën posaçërisht për të përshëndetur sportistët bullgarë pas pjesëmarrjes së tyre në Lojërat në Milano–Cortina. 

Tervell Zamfirov, Malena Zamfirova dhe Aleksandër Krëshnjak bënë një zbritje të veçantë në pistë, ndërsa në finish i prisnin nxënësit e klubit të skive “Julen”, vajza me veshje popullore dhe një gajdexhi. Olimpistët ishin të veshur me elemente të kostumeve popullore dhe morën dhurata nga kryetari i komunës së Banskos, Stojço Banenski, si dhe nga koncesionari i zonës së skive.

“Ju na bëtë të ndihemi bullgarë krenarë”, tha Banenski.

Tervell Zamfirov, 20 vjeç, u rendit i treti në sllallomin gjigant paralel të dielën dhe solli medaljen e parë për Bullgarinë nga Lojërat Olimpike pas një pauze 20-vjeçare.

• Bullgaria triumfon: Tervell Zamfirov fitoi medalje olimpike bronzi në Itali

Redaktoi: Miglena Ivanova

Përgatiti në shqip: Vesella Mançeva