Parlamenti rrëzoi veton e parë presidenciale të Ilijana Jotovës

Me votat e GERB‑SDS, partisë “Vëzrazhdane”, një pjese të “BSP – E Majta e Bashkuar” dhe partisë “Ka një popull të tillë” (ITN), parlamenti kapërceu veton e Presidentes Ilijana Jotova. Kështu mbeten në fuqi ndryshimet tashmë të miratuara në Kodin Zgjedhor, të cilat kufizojnë numrin e seksioneve të votimit të hapura në vendet jashtë BE‑së.

Ndryshimi që lejon hapjen e deri në 20 seksioneve jashtë ambasadave dhe konsullatave, i cili prek kryesisht bullgarët që jetojnë në Turqi, SHBA dhe Mbretërinë e Bashkuar, u kundërshtua në fillim të muajit nga kreu i shtetit Ilijana Jotova. Ajo e ktheu ligjin për rishqyrtim me argumentin se kufizimi cenon parimin e barazisë të garantuar në Kushtetutë.

Nga APS deklaruan se do të kundërshtojnë vendimin e fundit të parlamentit në Gjykatën Kushtetuese.

Lexoni më shumë:

• Daniel Xhenev nga Çikagoja: Nuk ka logjikë në kufizimet e reja zgjedhore

 

Redaktoi: Ivo Ivanov

Përgatiti në shqip: Vesella Mançeva