Borisllav Sarafov mbetet për momentin Prokuror i Përgjithshëm në detyrë

Pas një takimi disaorësh, Plenumi i Këshillit të Lartë Gjyqësor vendosi unanimisht të lërë pa shqyrtim kërkesën për shkarkimin e Borisllav Sarafovit si Prokuror i Përgjithshëm në detyrë. Çështja iu referua Kolegjit të Prokurorisë, i cili duhet të vendosë për kompetencën e tij.

Kërkesa për shkarkimin e Borisllav Sarafovit u paraqit nga Ministri i Drejtësisë në detyrë Andrej Jankullov.

Ministria e Drejtësisë njoftoi më parë se kërkesa e Jankullovit ishte motivuar nga një mendim i Dhomës Penale të Gjykatës së Lartë të Kasacionit, sipas të cilit pas 21 korrikut 2025, nuk do të ketë më kryerje legjitime të funksioneve të Prokurorit të Përgjithshëm në Bullgari.

•  Protestë e radhës kundër Prokurorit të Përgjithshëm

Redaktoi: Miglena Ivanova

Përgatiti në shqip: Vesella Mançeva