Avionët amerikanë në aeroport janë për stërvitje, jo për misione luftarake

Vendosja e avionëve ushtarakë amerikanë në aeroportin “Vasill Levski” në Sofje është për aktivitete stërvitore dhe nuk lidhet me operacione ushtarake aktuale ose të planifikuara. Kjo u konfirmua nga zëvendësministrat e shërbimit të punëve të jashtme dhe mbrojtjes Nadezhda Nejnski dhe Atanas Zaprjanov në një seancë dëgjimore në parlament me kërkesë të grupit parlamentar të "Vëzrazhdane", raportoi gazetarja jonë Maria Fileva.

"Aeroplanët në aeroportin ‘Vasil Levski’ janë të Forcave Ajrore të SHBA-së. Vendosja është në mbështetje të aktiviteteve stërvitore. Ata nuk kanë aftësi ofensive, qëllimi i tyre është të mbështesin operacionet ajrore duke u furnizuar me karburant në ajër dhe jo të marrin pjesë në misione luftarake", shpjegoi Nejnski.

"Stërvitja e lartpërmendur nuk lidhet me kryerjen e operacioneve ushtarake, veprimet përgatitore për kryerjen e operacioneve të ardhshme ushtarake, si dhe me kryerjen e aktiviteteve për të parandaluar veprimet ushtarake të kryera nga të tjerët, të një shteti ose organizate tjetër, të forcave të armatosura", ishte kategorik Zaprjanov.

E pyetur nga "Vëzrazhdane" pse parlamenti nuk u njoftua dhe nuk u kërkua një vendim parlamentar, Nejnsky theksoi se sipas Gjykatës Kushtetuese, kur bëhet fjalë për forcat aleate, mjafton të ketë vetëm një vendim të Këshillit të Ministrave. "Ne jemi partnerë strategjikë me SHBA-në, prandaj vendimi u mor në nivelin e Këshillit të Ministrave", tha ajo, cituar nga BTA.

Me sugjerimin e ITN, deputetët votuan në sallën plenare për të dëgjuar edhe kryeministrin në detyrë Andrej Gjurov, i cili më parë i kishte informuar se nuk mund të ishte i pranishëm në parlament sot për shkak të angazhimeve në Këshillin e Ministrave.

Lexoni më shumë në arkivin e Radio Bullgarisë:

• Stërvitja e Forcave Ajrore të Bullgarisë dhe SHBA nuk prek Aeroportin e Sofjes
  

 

Redaktoi: Miglena Ivanova

Përgatiti në shqip: Vesella Mançeva