Karlovo sërish mikpritës i “Paleta e Këngës”

Për të 12-in vit radhazi, Karlovo pret fëmijët e talentuar të Bullgarisë për Konkursin Kombëtar “Paleta e Këngës”, njofton Komuna. Këtë vit ngjarja zhvillohet më 28 shkurt dhe 1 mars në sallën “Vasill Karaivanov” në ndërtesën e administratës komunale, në prag të Festës Kombëtare 3 Marsit. Themeluese, organizatore dhe drejtoreshë e tij është pedagoge muzikore dhe udhëheqëse artistike e Shkollës Muzikore “Karlovojs” – Anita Ilieva.

Talentet e rinj do të paraqiten para arbitërve profesionistë dhe para një jurie rinore, të cilët së bashku do të vlerësojnë interpretimet në kohë reale. Konkursi është një nga më të dashurit në vend, ndërsa takimi me emra të njohur nga skena muzikore i motivon pjesëmarrësit të zhvillohen dhe të shpalosin potencialin e tyre, thuhet në njoftimin e Bashkisë.

Një nga talentet tona muzikore, rruga e të cilit është e lidhur me konkursin “Paleta e Këngës”, është Dani Ilieva, për të cilën tashmë keni dëgjuar edhe nga Radio Bullgaria.

• "A do të puth" – kënga më e re e interpretueses Dani Ilieva
• Dani Ilieva – shumë personale në “Marrëzi e butë”

Përpiloi: Darina Grigorova

Përgatiti në shqip: Sindi Nikollofski