Trena direktë Bullgari–Ukrainë nisin nga qershori

Nga qershori nisin trenat e drejtpërdrejtë të pasagjerëve midis Bullgarisë dhe Ukrainës përmes Rumanisë. Të tre shtetet arritën marrëveshje mbi parametrat kryesorë të shërbimit në një takim sot në Ruse, njoftoi qendra e shtypit e Ministrisë së Transportit dhe Komunikimeve. 

Lidhja hekurudhore e pasagjerëve fillimisht do të funksionojë si shërbim sezonal gjatë muajve qershor, korrik dhe gusht dhe do të lëvizë çdo ditë në itinerarin Kiev – Bukuresht – Ruse – Varna dhe anasjelltas, duke e bërë kështu linjën një nga më të gjatat hekurudhore në Evropë. Gjatë tre muajve të parë do të vlerësohet ngarkesa e linjës dhe, nëse rezultatet janë të mira, ajo mund të bëhet shërbim gjatë gjithë vitit.

 

 

Redaktoi: Miglena Ivanova

Përgatiti në shqip: Vesella Mançeva