Pritet një rritje e turistëve të huaj në verë

Rreth 500 000 bullgarë festuan Pashkët në Bullgari dhe rreth 120 000 jashtë vendit. Rreth 130 000 mbërritën në Bullgari për festën ortodokse nga jashtë vendit. Vetëm të Premten e Madhe, 380 aeroplanë u ulën në Aeroportin e Sofjes. Kjo u deklarua nga drejtori i Institutit për Analizë dhe Vlerësim në Turizëm, Rumen Draganov, për Radion Kombëtare Bullgare.

Të huajt janë kryesisht nga Rumania në Bregun Verior të Detit të Zi, nga Greqia, por ka edhe mysafirë nga Italia, Spanja dhe Evropa Qendrore. Në të gjithë vendin, hotelet SPA ishin plot, si dhe shtëpitë e mysafirëve. Pati gjithashtu shumë udhëtime në të ashtuquajturat "shtëpi të dyta" të pronarëve në vend.

"Askush nuk e konsideron Bullgarinë një destinacion të shtrenjtë. Nuk kam lexuar kurrë një titull të tillë në shtypin e huaj. Përkundrazi, ata e quajnë vendin tonë “adorable” ("të adhurueshëm") - e konsiderojnë Bullgarinë një destinacion shumë mikpritës. Bumi i turizmit bullgar që po ndodh tani është sepse për shumë vite ne ishim disi të lënë pas dore për shkak të destinacioneve të tjera. Turizmi filloi për arsye se shumë njerëz si në BE ashtu edhe jashtë saj - Britania e Madhe, Turqia - e njohin Bullgarinë si një destinacion turistik shumë interesant dhe përcjellin gojë më gojë se sa mirë kanë kaluar në vendin tonë", tha eksperti.

"Çmimet në verë do të rriten aty ku nuk do të ketë vende në bazat e kategorisë së lartë, ku nata është mbi 250 €. Sa i përket çmimeve të mesme dhe të ulëta, ato do të mbeten të njëjta", parashikon Draganov, i cili pret një rritje të rezervimeve për në Bullgari.

• Vera turistike 2026

 

Redaktoi: Ivo Ivanov

Përgatiti në shqip: Vesella Mançeva