Dorëheqja e Prokurorit të Përgjithshëm është hapi i parë i domosdoshëm

"Për mua, ky është një hap i domosdoshëm, por vetëm një hap i parë". Kështu komentoi Presidentja Ilijana Jotova dorëheqjen e Borisllav Sarafov nga pozicioni i Prokurorit të Përgjithshëm në detyrë të Republikës së Bullgarisë. "Borisllav Sarafov duhej të kishte dhënë dorëheqjen nga posti i tij shumë kohë më parë dhe ta kishte zhbllokuar të gjithë këtë proces", u tha ajo gazetarëve para fillimit të Samitit të Medias të Bashkimit Evropian për Radion dhe Televizionin në Sofje, raportoi BTA.

Kreu i shtetit tregoi se shpreson që me konsensus maksimal mandatet e skaduara do të kapërcehen dhe do të zgjidhet në mënyrë transparentenjë Këshill i ri i Lartë Gjyqësor, mjaftueshëm autoritar, për të garantuar transparencën e të gjitha procedurave që tani e tutje. "Sepse kjo është puna dhe përgjegjësia e politikanëve, dhe ne, qytetarët bullgarë, duam drejtësi që garanton paanësi", theksoi Jotova.

• Pas 3 vitesh, Borisllav Sarafov dha dorëheqjen si kryeprokuror i përkohshëm

Redaktoi: Miglena Ivanova

Përgatiti në shqip: Vesella Mançeva