Ministri i Bujqësisë kërkoi nga BE financim emergjent për fermerët

Prodhim i ulët ose çmime të larta – këtë po e zgjedhim nëse nuk sigurohet financim emergjent për bujqit bullgarë. Këtë e ka theksuar ministri i bujqësisë Ivan Hristanov gjatë mbledhjes së Këshillit të BE‑së për Bujqësinë në Luksemburg. Ai ka theksuar se sfida kryesore për prodhuesit bujqësorë në të gjithë BE‑në është rritja e çmimeve të plehrave dhe karburanteve pas përshkallëzimit të konfliktit në Lindjen e Mesme, njoftoi qendra e shtypit e Ministrisë së Bujqësisë. 

“Në Bullgari, çmimi i naftës dizel është rritur me rreth 37% nga shkurti deri në fillim të prillit, ndërsa çmimet e plehrave minerale janë rritur rreth 30%, gjë që ushtron presion të madh”, ka informuar Hristanov dhe ka bërë thirrje që fondet e pashfrytëzuara nga programet e Politikës së Përbashkët Bujqësore të orientohen drejt financimit të masave të jashtëzakonshme për mbështetjen e fermerëve.

• Blegtoria në Bullgari po zvogëlohet në mënyrë drastike

 

Redaktoi: Ivo Ivanov

Përgatiti në shqip: Vesella Mançeva