Një kryevepër nga epoka e socializmit del në ankand në Sofje

Piktura monumentale “Legjenda e ditës së re (Ndërtimi i NDK-së)” e piktorit bullgar Petër Doçev do të jetë ndër thekset në një ankand të veprave të rëndësishme të artit bullgar, i cili do të mbahet në Sofia më 19 maj. E krijuar në vitet ’80 të shekullit XX, vepra i kushtohet ndërtimit të Pallati Kombëtar i Kulturës – një nga simbolet e periudhës së vonë socialiste në Bullgari.

Simfonia e kohës… Pallati Kombëtar i Kulturës në Sofje feston 45‑vjetorin

Piktura ka jo vetëm vlerë artistike, por edhe historike. Në pjesën e pasme të saj është ruajtur etiketa origjinale e inventarit, e cila dëshmon se vepra i përkiste Komitetit Qendror të Partisë Komuniste Bullgare. Kështu, tabloja shndërrohet në një dëshmi të rrallë për mënyrën se si arti është përdorur nga pushteti shtetëror gjatë epokës socialiste.

Me stilin e saj monumental dhe kompozimin dinamik, vepra kap frymën e optimizmit industrial dhe projekteve të mëdha shoqërore të kohës. Sipas organizatorëve të ankandit, ajo është një shembull i rëndësishëm i artit monumental bullgar të shekullit XX dhe një dokument për lidhjen midis kulturës, politikës dhe shoqërisë në Evropën Lindore gjatë Luftës së Ftohtë.

Përpiloi: Elena Karkallanova

Përgatiti në shqip: Sindi Nikollofski