Katër qytete kërkuan të jenë nikoqirë të “Eurovision” 2027 në Bullgari

Këshilli i Ministrave këtë javë do të krijojë organizimin për pritjen e Bullgarisë të konkursit muzikor “Eurovision”, tha para BNT Ministri i Kulturës Evtim Milloshev. Sipas rregullores së garës, pas fitores së këngëtares Dara, Bullgaria do të presë edicionin e ardhshëm të forumit në vitin 2027. 

“Bullgaria do t’ ia dalë jashtëzakonisht mirë – zgjedhja e vendit, siguria, logjistika, marketingu dhe reklama. Mikpritja bullgare e ‘Eurovision’-it do të jetë në nivelin e asaj austriake”, theksoi Milloshev.

Ai komentoi edhe dëshirën e Plovdivit, Varnës dhe Burgasit për të qenë nikoqirë të “Eurovision” 2027. “Pa dyshim kryeqyteti dhe mundësitë që ofron janë kryesore. Por ajo që ndodhi – tre qytetet e mëdha që shprehën interes në mënyrë të autoritetshme dhe ambicioze – është një shenjë e mirë”, tha ministri. Sipas tij, më e arsyeshmja është të shqyrtohen të gjitha mundësitë dhe më pas të merret vendimi përfundimtar.

 

Redaktoi: Ivo Ivanov

Përgatiti në shqip: Vesella Mançeva