“Medalje” shënon fillimin e një mini-albumi të ardhshëm të Mihaella Marinovës

Mihallea Marinova prezanton këngën e saj më të re, me të cilën u jep fansave një ide për drejtimin e saj të ri krijues. Kënga titullohet “Medalje” dhe është pikërisht ajo që hap mini-albumin e ardhshëm të këngëtares. Vetë Mihallea krijoi muzikën dhe tekstin në bashkëpunim me partnerin e saj afatgjatë krijues dhe mik Pavell Nikollov (Pavell). Ja si e përshkruajnë mesazhin që kanë përcjellë:

““Medalje” nuk është një këngë për fitoren në kuptimin klasik; është një këngë për refuzimin e fjalëve boshe, marrëdhënieve artificiale dhe për aftësinë për të kaluar përtej nevojës së vazhdueshme për miratim nga të tjerët.”

Kjo ide pasqyrohet edhe në videon e këngës “Medalje”, ku Mihallea gradualisht “zhvishet” nga shkëlqimi i jashtëm dhe arrin tek vetvetja.

Kënga publikohet vetëm pak ditë pas njoftimit të koncertit të parë solo të këngëtares në Sallën 1 të Pallatit Kombëtar të Kulturës (NDK) në Sofje, i cili do të mbahet më 28 nëntor 2026.

• Mihaella Marinova dhe Tino me këngën e përbashkët “Po të mundja”

Redaktoi: Diljana Traçeva

Përgatiti në shqip: Svetllana Dimitrova