Qendra Kulturore Çeke në Sofje do të vazhdojë të funksionojë

Qendra Çeke vazhdon aktivitetet e saj në Bullgari, njoftoi institucioni kulturor. "Drejtori i Përgjithshëm i rrjetit të Qendrave Çeke ka anuluar vendimin për mbylljen e qendrës në Sofje.  Merita për këtë u takon tërësisht të gjithë juve që bashkuat forcat dhe na mbështetët - si këtu në Bullgari ashtu edhe në Republikën Çeke", thuhet në njoftimin për shtyp të qendrës.

• Valë mbështetjeje për Qendrën Çeke në Sofje pas lajmit për mbylljen
• Universiteti i Sofjes kërkon që Çekia të mos e mbyllë qendrën e saj kulturore

Qendra Çeke shkroi se salla e tyre do të vihet në dispozicion çdo të mërkurë për ngjarje kulturore në periudhën deri më 20 qershor, dhe pas sezonit të verës, programi do të rinovohet nga 23 shtatori deri në fund të vitit. Institucioni po fton ata që dëshirojnë të dërgojnë propozime për ngjarje në emailin e saj. Tregohet se ftesa është një shenjë mirënjohjeje për publikun bullgar, i cili ka treguar mbështetjen e tij për qendrën. "Mënyra më e mirë për të shprehur mirënjohjen tonë është duke hapur dyert tona për ju", shkroi qendra.

Qendra Çeke në Sofje njoftoi në një njoftim për shtyp më 27 prill se për shkak të pezullimit të financimit nga Praga, do të mbyllë aktivitetet e saj në fund të majit. Institucioni kulturor çek është ndër organizatat e huaja kulturore me jetëgjatësinë më të madhe në Bullgari dhe ka funksionuar për 77 vjet, kujtoi Qendra Çeke.

Redaktoi: Ivo Ivanov

Përgatiti në shqip: Vesella Mançeva