“Qilimi bullgar – pasuria kombëtare e rizbuluar” vjen në Veliko Tërnovo

Nga 20 deri më 31 maj 2026, në Muzeun “Rilindja dhe Asambleja Kushtetuese” në Veliko Tërnovo do të prezantohet ekspozita “Qilimi bullgar – pasuria kombëtare e rizbuluar”. Ekspozita është një nismë e Muzeut Historik Rajonal – Veliko Tërnovo në partneritet me Fondacionin “Qilimi Bullgar”. Do të ekspozohen nëntë ekzemplarë unikë nga koleksioni i holandezit Jacob van Beijlen dhe Fondacionit “Qilimi Bullgar”, të cilët janë ndër veprat më të hershme të njohura të artit të qilimave bullgarë nga shekujt XVII–XIX.

Katër prej eksponateve tashmë janë identifikuar zyrtarisht si pasuri kombëtare nga Instituti i Etnologjisë dhe Folklorit me Muze Etnografik pranë Akademia Bullgare e Shkencave. Këto janë: qilimi më i vjetër bullgar (i datuar para vitit 1688), qilimi Bakamski (Garibalda) i shekullit XVIII, qilimi i Kotelit “Survaknici” i vitit 1869 dhe qilimi i Slivenit “Yjet kaçurrela” nga fundi i shekullit XIX, njofton faqja e Muzeut Historik Rajonal – Veliko Tërnovo.

• Historia e qilimave të Çiprovcit zbulohet në festival
• Një hap drejt një muzeu të qilimit bullgar të endur me dorë

Redaktoi: Miglena Ivanova

Përgatiti në shqip: Svetllana Dimitrova