Rene Karabash: “Po hyjmë në një farë epoke të artë për letërsinë bullgare”

“Shpërblimi më i madh janë zemrat e lexuesve.” Kështu deklaroi shkrimtarja Rene Karabash për BNT. Romani i saj “Ostajnica”, i përkthyer në anglisht nga Izidora Angel, ishte mes finalistëve për çmimin prestigjioz ndërkombëtar International Booker Prize 2026. Ai arriti deri në listën e shkurtër, por çmimi iu dha shkrimtares tajvaneze Yan Shuan‑tzu. Sipas Karabash, megjithatë, pikërisht libri i saj është ndër më të zgjedhurit nga e gjithë shortlista në shkallë botërore.

“Aktualisht marr jashtëzakonisht shumë mesazhe dhe recensione. Arritëm të depërtojmë në shumë gjuhë dhe tregje – Kinë, Indi, Kore, Ukrainë. Kjo vetëm mund të më gëzojë,” komentoi ajo. 

Sipas shkrimtares, rezultati më i rëndësishëm i nominimit është prania e shtuar e letërsisë bullgare në skenën botërore. Ajo theksoi se pas suksesit të Georgi Gospodinovit me “Booker”-in në vitin 2023, interesi për autorët bullgarë vazhdon të rritet. 

“Po hyjmë në një farë epoke të artë për letërsinë bullgare,” tha Rene Karabash.

Romani “Ostajnica” tregon për zakonin në Shqipëri, kur në mungesë të një trashëgimtari mashkull në familje, gratë malësore betohen se do të përmbushin rolin e burrit dhe do të jenë beqare.

 

Lexoni më tepër në arkivin tonë:

• Romani “Ostajnica” është në listën e shkurtër për Çmimin Ndërkombëtar “Booker”

 

Redaktoi: Miglena Ivanova

Përgatiti në shqip: Vesella Mançeva