Peevski: Rasti me kryetarin e bashkisë së Kërxhalit është një skandal i madh

Lideri i DPS‑së, Deljan Peevski, e përcaktoi si skandal të madh dhe presion politik rastin me kryetarin e Kërxhalit dhe nënkryetarin e DPS‑së, Erol Mymyn, i cili më herët sot u shoqërua për marrje në pyetje në lidhje me mbledhjen e provave për një vepër penale të kryer nga zyrtarë në lidhje me një tender publik. Peevski mbërriti papritur në Kërxhali për të shprehur mbështetjen e tij dhe të DPS‑së, raportoi korrespondentja jonë në Kërxhali, Valja Apostollova.

Nxjerrjen e Erol Mymynit nga zyra e tij nga policia, Deljan Peevski e quajti “turp” për deputetin nga Kërxhali, Ivan Demerxhiev (ministrin e brendshëm).

“Ata duan t’i frikësojnë të gjithë kryetarët, të gjithë njerëzit, të gjithë myslimanët – nuk do t’ua lejojmë. Ne e refuzojmë ofertën për frikë – jo frikës, kjo nuk do të ndodhë. Shpresoj që kryeministri Radev të reagojë menjëherë dhe të kuptojë çfarë ka ndodhur, sepse ministri i tij i ka kaluar të gjitha kufijtë”, komentoi Peevski.

 

Redaktoi: Miglena Ivanova

Përgatiti në shqip: Vesella Mançeva