Studentë nga pesë kontinente studiojnë mjekësi në Sofje

Universiteti i Mjekësisë në Sofje vazhdon të tërheqë studentë nga pesë kontinente – Evropa, Azia, Afrika, Amerika e Veriut dhe Amerika e Jugut. Sipas të dhënave të institucionit arsimor, të cituara nga BTA, në fund të vitit akademik 2025/2026 aty studiojnë 3315 studentë të huaj nga 71 shtete, prej të cilëve 2026 janë shtetas të BE‑së.

Ata studiojnë në programet “Mjekësi”, “Stomatologji” dhe “Farmaci”, ku interesi më i madh është për dy të parat.

Pranimi i kandidatëve bëhet në përputhje me kapacitetin e përcaktuar nga Agjencia Kombëtare për Vlerësim dhe Akreditim (NAOA), ndërsa numri i studentëve ndryshon lehtë gjatë viteve rreth shifrës së miratuar.

Faktorët kryesorë për zgjedhjen e universitetit janë reputacioni i diplomës, trajnimi i hershëm klinik dhe mundësitë për kërkime shkencore.

• Studentë nga 125 shtete studiojnë në Bullgari

Redaktoi: Darina Grigorova

Përgatiti në shqip: Vesella Mançeva