Në Sofje po zhvillohet takimi vjetor i ambasadorëve bullgarë

Në situatën e ndërlikuar gjeopolitike dhe rajonale, diplomacia bullgare është e thirrur të gjejë zgjidhje dhe të formulojë qëndrime, të cilat t’i mbrojë në formate të ndryshme dhe në aleancat ku vendi është anëtar. Këtë e deklaroi Kryeministri Rumen Radev gjatë hapjes në Sofje të Konferencës Vjetore me ambasadorët dhe përfaqësuesit e Bullgarisë jashtë vendit. Për këtë nevojiten një vizion i qartë dhe prioritete të përcaktuara mirë, të cilat hartohen këtu dhe miratohen me konsensus ndërmjet institucioneve, shtoi kryeministri.

Qeveria do të punojë me bindjen e qartë se BE-ja dhe NATO-ja përfaqësojnë mjedisin më të favorshëm për mbrojtjen e interesave kombëtare të Bullgarisë, si dhe me vetëdijen se një shtet si Bullgaria nuk mund të pranojë një botë të ndarë në sfera ndikimi dhe rishikimin e kufijve përmes forcës, theksoi para forumit Ministrja e Punëve të Jashtme, Velisllava Petrova, njofton BTA.

Mbrojtja e të drejtave të diasporës historike dhe asaj bashkëkohore, si dhe përmirësimi i shërbimeve konsullore, do të jenë një prioritet kyç. Është detyra jonë të krijojmë kushtet që ata që dëshirojnë të kthehen në atdhe të mund ta bëjnë këtë, theksoi gjithashtu Petrova.

Redaktoi: Ivo Ivanov

Përgatiti në shqip: Vesella Mançeva