12 nga gjithsej 35 trenat e rinj elektrikë për Bullgarinë janë gati

12 trenat e parë elektrikë Coradia Stream të Alstom për Bullgarinë kanë kaluar me sukses procedurat e pranimit në vend. Kjo u njoftua sot nga prodhuesi francez, i cituar nga BTA. Kompania e cilëson këtë si një hap të rëndësishëm në projektin për furnizimin e 35 trenave të rinj elektrikë ndërqytetës për Bullgarinë.

Dhjetë prej trenave ndodhen tashmë në depon e prodhuesit në Bullgari, ku vazhdojnë testimet në rrjetin hekurudhor kombëtar.

Kontrata, e nënshkruar në prill 2025, përfshin gjithashtu shërbime për mirëmbajtjen e trenave për një periudhë prej 15 vitesh, kujton kompania në rrjetet sociale.

Lexoni më shumë në arkivin tonë: 

• Fillon rinovimi i trenave të Hekurudhave Bullgare

Redaktoi: Miglena Ivanova

Përgatiti në shqip: Vesella Mançeva