Laborator i specializuar do të garantojë autenticitetin e vajit të trëndafilit

Qeveria ka siguruar 500 mijë euro për ndërtimin e një laboratori të specializuar për kontrollin e autenticitetit të vajit bullgar të trëndafilit. Lajmin e bëri të ditur Ministri i Bujqësisë, Pllamen Abrovski, gjatë një konference për shtyp në Këshillin e Ministrave.

Vendimi lidhet me mbrojtjen e vajit bullgar të trëndafilit, një produkt me vlerë të lartë të shtuar dhe me reputacion të konsoliduar ndërkombëtar.

“Bullgaria është e njohur në mbarë botën për vajin e saj të trëndafilit. Fatkeqësisht, deri më tani shteti nuk ka siguruar kapacitetin e nevojshëm për të dalluar vajin natyral të trëndafilit nga ai artificial. Kjo krijon mundësinë që produkte artificiale të paraqiten si vaj bullgar i trëndafilit”, shpjegoi Ministri i Bujqësisë, cituar nga shërbimi për shtyp i Ministrisë së Bujqësisë.

Laboratori i ri pritet të fillojë funksionimin deri në fund të vitit.

Lexoni më tepër:  

• Trëndafili bullgar, mysafir nderi në panairin e livandës në Francë
• Regjistruan vajin e trëndafilit bullgar si pronë intelektuale botërore
• Vaji bullgar i trëndafilit akoma ruan vendin e parë në tregun botëror
• Vaji bullgar i trëndafilit – midis çmimit të lartë në botë dhe punës së nënvlerësuar me dorë në kopshte

 

Redaktoi: Miglena Ivanova

Përgatiti në shqip: Vesella Mançeva