Bullgaria mbetet ndër vendet me papunësinë më të ulët në BE në korrik

Shkalla e papunësisë në Bullgari mbeti ndër më të ulëtat në Bashkimin Evropian në korrik, pavarësisht një rritjeje të lehtë krahasuar me muajin e kaluar, tregojnë të dhënat e Eurostatit.

Papunësia në vend arriti në 3,6%, kundrejt 3,5% në qershor. Kështu, Bullgaria renditet e pesta mes vendeve të BE-së me nivelin më të ulët të papunësisë.

Në bazë vjetore, papunësia në Bullgari ka rënë me 0,2 pikë përqindjeje. Në korrik të vitit të kaluar ajo ishte 3,8%.

Numri i të papunëve ishte 107 mijë persona, ose 1 mijë më shumë se në qershor, por 7 mijë më pak krahasuar me korrikun e vitit 2025.

 

Lexoni më tepër në arkivin e Radio Bullgarisë: 

• Papunësia në vend është në një nivel "jo të shëndetshëm" të ulët

 

Redaktoi: Diana Cankova

Përgatiti në shqip: Vesella Mançeva