Qeveria miratoi derogim për pajisjet e centralit atomik “Belene”

Këshilli i Ministrave miratoi një derogim nga masat kufizuese të vendosura për shkak të veprimeve të Rusisë që destabilizojnë situatën në Ukrainë, njoftoi shërbimi informativ i qeverisë. 

Derogimi i lejon Kompanisë Kombëtare të Energjisë Elektrike (NEK) të shpallë një procedurë prokurimi publik dhe të lidhë kontratë me degën bullgare të “Atomstroyexport” për mbikëqyrjen teknike të rikonservimit të pajisjeve të furnizuara për njësitë I dhe II të centralit bërthamor “Belene”. Ky vendim është i nevojshëm, pasi prodhuesit e pajisjeve i kanë dhënë kësaj shoqërie të drejta ekskluzive për të kryer mbikëqyrjen teknike të këtyre aktiviteteve. 

Në kantierin e centralit bërthamor po zhvillohen aktualisht punë rikonservimi, me qëllim garantimin e ruajtjes së gjendjes së pajisjeve në përputhje me kërkesat e prodhuesit. 

Kontrata aktuale për mbikëqyrjen teknike të rikonservimit të pajisjeve me cikël të gjatë prodhimi është në fuqi deri më 31 dhjetor 2026, ndërsa kontrata e re do të lidhet në përputhje me Ligjin për Prokurimin Publik. 

Me një derogim të veçantë, centrali bërthamor “Kozlloduj” do të mund të importojë nga Rusia produkte prej hekuri dhe çeliku, vendosi gjithashtu Këshilli i Ministrave.

Lexoni në shumë në arkivin tonë:

Radev propozon ndërtimin e përbashkët të Centralit Atomik "Belene" me Ukrainën

 

Redaktoi: Diana Cankova

Përgatiti në shqip: Vesella Mançeva