Prokuroria ngriti akuza ndaj ish-ministrit të mjedisit

Prokuroria e Qytetit të Sofjes ka ngritur akuza ndaj ish-ministrit të Mjedisit, Borisllav Sandov, për dhënien e funksioneve të kontrollit një organizate joqeveritare në territore të mbrojtura në zonën e strehës malore Petrohan.

Në njoftimin e prokurorisë emri i Sandovit nuk përmendet, por theksohet se veprat penale në detyrë, për të cilat ai akuzohet, janë kryer më 8 shkurt 2022, kur i akuzuari mbante postin e ministrit të mjedisit dhe ujërave.

Organizata joqeveritare në fjalë u bë objekt i vëmendjes publike në shkurt 2026. Atëherë, pranë strehës së djegur u gjetën të vdekur tre persona, ndërsa më vonë edhe tre të tjerë, përfshirë një djalë 15-vjeçar, në një kamper pranë majës Okollçica. Pesë nga viktimat ishin anëtarë të kësaj shoqate.

Rastet e vdekjeve po hetohen veçmas dhe Borisllav Sandov nuk ka lidhje me këtë çështje.

 

Redaktoi: Miglena Ivanova

Përgatiti në shqip: Vesella Mançeva