Georgi Gospodinov ishte i ftuar nderi në festivalin SINTRAK në Tiranë

Shkrimtari bullgar Georgi Gospodinov ishte i ftuar nderi në edicionin e parë të Festivalit Ndërkombëtar të Poezisë dhe Koreografisë Bashkëkohore SINTRAK, që u zhvillua në Tiranë. Forumi u mbajt nga 17 deri më 19 shtator dhe mblodhi shkrimtarë, poetë, përkthyes dhe artistë nga vende të ndryshme. Një nga momentet më të veçanta të festivalit ishte leximi i parë publik në shqip i poezive të Georgi Gospodinovit, të përkthyera nga Janka Selimi.

Gospodinov mori pjesë në një bisedë me përkthyesen Milena Selimi, e cila përktheu në shqip romanet e tij „Fizika e trishtimit“, „Kohëstrehimi“ dhe „Kopshtari dhe vdekja“. Për përkthimin e romanit „Kohëstrehimi“, ajo u nderua me çmimin për përkthimin më të mirë në Panairin e Librit në Tiranë në vitin 2024.

Nëna e Milena Selimit, Janka Selimi, ka përkthyer në shqip një tjetër vepër të shkrimtarit të njohur bullgar, „Roman natyral“.

„Tirana, ku nuk kisha qenë deri më sot. Edicioni i parë i një festivali për letërsinë dhe koreografinë, i organizuar nga përkthyesja e njohur nga bullgarishtja, Milena Selimi, me moton „Kohëstrehimi“, shkroi Gospodinov në Facebook. Ai e përshkroi Tiranën si një qytet „shumë të gjallë, me të rinj të jashtëzakonshëm“ dhe falënderoi organizatorët për takimin.

Lexoni më shumë në arkivin e Radio Bullgarisë:

• Milena Selimi përkthen romanin ”Kohëstrehim” të autorit bullgar Georgi Gospodinov
• Milena Selimi fitoi çmimin për përkthimin më të mirë në Panairin e 27-të të Librit në Tiranë për romanin bullgar "Kohëstrehim"

Redaktoi: Miglena Ivanova

Përgatiti në shqip: Svetllana Dimitrova