Përkujtojmë 118 vjet nga shpallja e Pavarësisë së Bullgarisë

Bullgaria shënon sot një nga datat më të rëndësishme të historisë së saj moderne – 118-vjetorin e shpalljes së Pavarësisë. Më 22 shtator 1908, vendi i dha fund varësisë vasale nga Perandoria Osmane, e vendosur tri dekada më herët me Traktatin e Berlinit, dhe u rikthye në hartën e shteteve sovrane evropiane.

Ngjarja historike u zhvillua në qytetin e lashtë të Veliko Tërnovos, ku në Kishën “Dyzet Dëshmorët”, princi Ferdinand I lexoi Manifestin e hartuar nga kryeministri Aleksandër Malinov. Me këtë akt, sovrani mori titullin “mbret”, ndërsa Bullgaria u bë subjekt i barabartë në marrëdhëniet ndërkombëtare. Kjo krijoi kushtet për zhvillimin e mëtejshëm ekonomik të vendit dhe për përpjekjet drejt bashkimit kombëtar.

Sipas traditës, Veliko Tërnovo është qendra e festimeve kombëtare. Programi shtrihet gjatë gjithë ditës dhe tërheq mijëra bullgarë.

Edhe në kryeqytetin Sofje dhe në qytetet e tjera të vendit, festa shënohet me ceremoni solemne, vendosje kurorash me lule pranë monumenteve kombëtare dhe koncerte festive, raporton agjencia BGNES.

Lexoni më shumë në arkivin e Radio Bullgarisë: 

• 22 Shtator 1908 –Dita kur u shpall Pavarësia e Bullgarisë
• 115 vjet Bullgaria e Pavarur
• U përmbush vullneti i fundit i Mbretit Ferdinandit - shtëpia e tij e përjetshme të jetë në Bullgari

• Kisha “Shën Dyzet Dëshmorët” është një vend i shenjtë për historinë bullgare

Redaktoi: Diana Cankova

Përgatiti në shqip: Svetllana Dimitrova