Radev bën thirrje për dialog për paqe, Tusk për mbështetje të Ukrainës

Lufta në Ukrainë dhe siguria në rajon ishin ndër temat kryesore të takimit mes kryeministrave Rumen Radev dhe Donald Tusk në Varshavë. Radev theksoi nevojën për të ruajtur kanalet e komunikimit dhe për të shfrytëzuar çdo mundësi për dialog që mund të çojë në përfundimin e luftës. “Ne nuk kemi interes që kjo luftë të vazhdojë më tej”, deklaroi kryeministri bullgar, cituar nga zyra e shtypit e qeverisë.

Nga ana e tij, Tusk i bëri thirrje Evropës të vazhdojë mbështetjen e saj të qëndrueshme për Ukrainën. Sipas tij, lufta duhet të marrë fund, por jo me fitoren e agresorit. Kryeministri polak theksoi gjithashtu rreziqet që vijnë nga sulmet ruse pranë kufirit të Polonisë, njofton BTA.

Në përfundim të takimit, Tusk përshëndeti vendimin që 14 shkurti të shpallet Ditë e Miqësisë dhe Bashkëpunimit Bullgaro-Polak dhe bëri të ditur se pritet një vendim i ngjashëm edhe nga Sejmi polak.

• Bullgaria do të vazhdojë të mbështetet te Polonia për avionët e saj MiG

Redaktoi: Miglena Ivanova

Përgatiti në shqip: Vesella Mançeva