Patriku Daniill kryeson delegacionin e Kishës Bullgare në Tokën e Shenjtë

Në Kishën e Varrit të Shenjtë, Patriku i Jerusalemit Teofil III dhe Patriku bullgar Daniill shërbyen së bashku liturgjinë e shenjtë me rastin e festës së Lartësimit të Kryqit të Shenjtë, më 27 shtator sipas kalendarit Julian. Lajmi u bë i ditur nga Kisha Ortodokse Bullgare. Patriku i Jerusalemit Teofil i dorëzoi Patrikut bullgar Daniill dekoratën më të lartë të Patrikanës së lashtë të Jerusalemit, Urdhrin e “Kryqit të Varrit të Shenjtë”, thuhet në njoftimin e Kishës.

“Që nga koha e Perandorisë Osmane, midis shekujve XVI dhe XVIII, murgj bullgarë jetuan dhe vepruan në manastiret e Varrit të Shenjtë... Ndërsa nga fundi i shekullit XVI, në një prej kishave të Jerusalemit, bullgarët kishin kapelën e tyre, ku shërbesat e shenjta kryheshin në gjuhën sllavishte kishtare”, kujtoi Patriku Daniill. Kreu i Kishës Ortodokse Bullgare theksoi gjithashtu se në Sofje nuk do ta harrojnë ndihmën dhe mbështetjen që Patrikana e Jerusalemit dhe Patriku i atëhershëm i Jerusalemit, Diodori, i dhanë Patrikanës Bullgare për kapërcimin e përçarjes kishtare në vitin 1998.

Para se të mbërrinte në Jerusalem, Patriku Daniill dhe delegacioni i Kishës Ortodokse Bullgare ( u pritën në qytetin e Betlehemit me muzikë dhe këngë kishtare, njoftoi Sinodi i Shenjtë.

Lexoni më shumë mbi temën në arkivin e Radio Bullgarisë:

• Patriku Daniill është për vizitë në Jerusalem dhe në Mbretërinë e Jordanisë

Redaktoi: Ivo Ivanov

Përgatiti në shqip: Svetllana Dimitrova