Lajm
Patriarku Daniil u prit në Manastirin e Zografit të Malit të Shenjtë Athos
Premte 23 Tetor 2026 08:51
Premte, 23 Tetor 2026, 08:51
FOTO: bg-patriarshia.bg
Madhësia e shkronjave
Për herë të parë pas gjysmë
shekulli, kreu i Kishës Ortodokse Bullgare viziton manastirin sllavo-bullgar
“Shën Gjergji Fitimtar (Zograf)” në Malin e Shenjtë Athos. Vizita e fundit e
një patriarku bullgar në këtë manastir ishte në vitet 1970 nga Patriarku i
ndjerë bullgar Maksim, njoftoi Patriarkana Bullgare.
Patriarku Daniil u prit nga
igumeni i manastirit, arkimandriti Gavriil, dhe nga vëllazëria e shenjtërores.
Me një procesion liturgjik ai u përcoll në kishën qendrore të manastirit, ku u
mbajt një shërbesë e shkurtër lutjesh. Patriarku u përkul para ikonave
mrekullibërëse të Shën Gjergjit, që ruhen në manastir, si edhe para lipsaneve
të shenjta. Arkimandriti Gavriil e përshëndeti Patriarkun Daniill dhe shprehu
gëzimin e madh shpirtëror, në emrin e tij dhe të vëllazërisë së manastirit, për
të pritur në këtë vend të shenjtë kreun e Kishës sonë amtare.
Patriarku bullgar falënderoi për ftesën për të marrë pjesë në kremtimin e 26 Martirëve të Shenjtë Zografë më 23 tetor.
Patriarku Daniil vizitoi gjithashtu qelinë Burazeri, një nga qelitë më të njohura dhe më të mëdha murgërore në Athos. Ajo i kushtohet Shën Nikollës Mrekullibërës së Mirës së Likisë dhe ndodhet nën juridiksionin e Manastirit Hilendar. Kjo qeli është e njohur për pikturimin dhe ikonografinë e saj të zhvilluar nga murgjit, si edhe për veprimtarinë e saj shpirtërore dhe arsimore.
Redaktoi: Ivo Ivanov
Përgatiti në shqip: Vesella Mançeva