Jotova: Është iluzion se ndryshimi vjen pa votuar

Në një konferencë për shtyp pas përfundimit të ditës së zgjedhjeve, presidentja dhe kandidate për presidente në këto zgjedhje, Ilijana Jotova, shprehu shqetësim për pjesëmarrjen e ulët në votime.

"Dua t'u them qytetarëve bullgarë se është iluzion të mendojnë se, nëse nuk votojnë, mund të ndryshojmë diçka në vend. Ndërkohë, në vitet e ardhshme ne duhet të ndryshojmë shumë gjëra. Që të mos e kthejmë vendin tonë sërish në vitet e stagnimit, kur humbëm kaq shumë mundësi për shkak të përçarjeve dhe përballjeve. Në vitet e ardhshme Bullgaria do të ketë prosperitetin e saj dhe ne mbajmë në duar një kartë të artë; këtu, në Evropën Juglindore, do të bëjmë që Bullgaria të jetë garantuese e sigurisë për mbarë kontinentin", tha ajo.

Jotova deklaroi se dëshiron të jetë një "presidente e paqes", sepse pa paqe nuk mund të ketë siguri dhe prosperitet. Ajo theksoi se Bullgaria duhet të ndjekë një politikë sovrane në bashkëpunim me partnerët e saj.

Sipas saj, mungesa e pjesëmarrjes së forcës së dytë politike, GERB-SDS, ka ndikuar negativisht në pjesëmarrjen e votuesve. 

• Andrej Gjurov: E ftoj zonjën Jotova në një debat të hapur

 

Redaktoi: Miglena Ivanova

Përgatiti në shqip: Vesella Mançeva