Gjurov para Jotovës jashtë vendit: 45.79% kundrejt 22.79%

Çifti kandidat për president Andrej Gjurov dhe Georgi Kandev ka marrë më shumë vota në zgjedhjet presidenciale mes bullgarëve jashtë vendit më 25 tetor. Sipas 100% të procesverbaleve të përpunuara nga qendrat e votimit jashtë Bullgarisë, ata kanë fituar 45.79% të votave, ose 37 101 vota, njoftoi Komisioni Qendror i Zgjedhjeve.

Në vend të dytë renditen Ilijana Jotova dhe Kirill Vëlçev me 22.79%, ose 18 465 vota. Pas tyre vijnë Kostadin Kostadinov dhe Petër Volgin me 11.61%, Ivelin Mihajllov dhe Juliana Mateeva me 6.47%, si dhe Radostin Vasilev dhe Krasimir Manov me 3.73%.

Gjithsej 2342 votues, ose 2.89%, kanë zgjedhur opsionin "Nuk mbështes askënd".

• Cilët janë kandidatët për president dhe nënpresident në balotazh

 

Redaktoi: Miglena Ivanova

Përgatiti në shqip: Vesella Mançeva