Semen Novikov fitoi titullin botëror në mundjen klasike në Astana

Kampioni olimpik Semen Novikov fitoi titullin e tij të parë botëror, pasi mposhti në finale Alireza Mohmadipiani nga Irani në kategorinë deri në 87 kg në stilin klasik, në Kampionatin Botëror të Mundjes në Astana.

Mundësi, i lindur në Ukrainë dhe që garon për Bullgarinë, kishte triumfuar ndaj të njëjtit kundërshtar edhe në finalen olimpike në Paris më 2024.

• Ari i parë olimpik për Bullgarinë nga Parisi 2024

Sot ai ishte edhe më bindës. Semen Novikov e nisi ndeshjen me një sulm të pasuksesshëm nga pozicioni i parterit, por më vonë në pjesën e parë arriti ta nxirrte kundërshtarin jashtë tapetit, duke fituar edhe një pikë. Pas pushimit, përfaqësuesi bullgar shtoi edhe dy pikë të tjera në llogarinë e tij dhe fitoi me rezultatin përfundimtar 4:0.

Ky është titulli i parë botëror për Bullgarinë në stilin klasik që nga viti 2013, kur kampion u shpall Ivo Angellov.

 

Redaktoi: Diana Cankova

Përgatiti në shqip: Vesella Mançeva