Policia arrestoi mbi 40 persona në protestën e madhe dje mbrëma në Sofje

Mbi 40 persona u arrestuan gjatë protestës së mbrëmshme me mijëra persona nën sloganin "Dorëheqje! Peevski dhe Borisovi jashtë pushtetit!" në Sofje, njoftoi Drejtoria e Punëve të Brendshme e Sofjes. Pas mitingut, u arrestuan kryesisht grupe burrash të veshur me të zeza. 

Ndryshe nga protesta e madhe e 1 dhjetorit, demonstrata kaloi pa teprime. Për një kohë të shkurtër, të rinj me maska ​​dhe kapuçë u përpoqën t'u vinin flakën kontejnerëve, por tensioni u shua shpejt. 

Midis të arrestuarve u gjetën piroteknikë, sprej dhe maska. Disa prej tyre nuk kishin dokumente personale. 

Dy prej të ndaluarve në pikat e kontrollit rreth protestës në Trekëndëshin e Pushtetit mbanin shuma të mëdha parash. Në njërën prej tyre u gjetën 1500 euro, dhe në tjetrën – 10 000 leva (rreth 5000 euro), raportoi BGNES.

• Protesta masive antiqeveritare në të gjithë Bullgarinë
• Protesta antiqeveritare në të gjithë vendin

 

Redaktoi: Diana Cankova

Përgatiti në shqip: Vesella Mançeva