U betua qeveria e 7‑të teknike që nga viti 2021

Qeveria teknike e kryeministrit Andrej Gjurov dha betimin në parlament. “Deklaroj se unë personalisht dhe qeveria teknike do të përgatisim zgjedhje të ndershme. E marrim përsipër sfidën të qeverisim vendin deri në formimin e një kabineti të rregullt, pa histeri, me arsye dhe me këmbë në tokë”, deklaroi kryeministri teknik Andrej Gjurov. 

“Do të mbështesim përpjekjet për paqe të qëndrueshme dhe të drejtë në Ukrainë. Deklaroj qartë dhe kategorikisht se do të punojmë me aleatët tanë në NATO, BE dhe OKB… Votoni më 19 prill dhe mos lejoni që vota juaj të kthehet në instrument të interesave të dikujt tjetër”, shtoi Gjurov. 

Do të ndjekim me rigorozitet përmbushjen e premtimeve të dhëna, tha presidentja Ilijana Jotova, e cila ishte e pranishme në ceremoninë e betimit. Kreu i shtetit nënshkroi dekretet për emërimin e qeverisë teknike dhe për caktimin e zgjedhjeve për Kuvendin Popullor më 19 prill. 

•  Reagime për përbërjen e qeverisë teknike të propozuar nga Andrej Gjurov
• I mandatuari për formimin e qeverisë teknike prezantoi kabinetin
  

Redaktoi: Ivo Ivanov

Përgatiti në shqip: Vesella Mançeva