Ministri i Mbrojtjes: Nuk ka arsye që vendi të jetë shënjestër e një sulmi ajror

Shteti garanton që të gjithë bullgarët do të kthehen në mënyrën më të shpejtë, por edhe më të sigurt. Po diskutohen mundësi dhe rrugë të ndryshme, por gjëja më e rëndësishme është siguria e qytetarëve bullgarë. Kjo u theksua nga Kryeministri në detyrë Andrej Gjurov në një konferencë informative në Këshillin e Ministrave pas një takimi urgjent mbi evakuimin e qytetarëve bullgarë nga Lindja e Mesme.

Ministrja e Jashtme Nadezhda Nejnski saktësoi se fluturimet për në Oman, Abu Dabi dhe Dubai do të kryhen vetëm nëse situata në terren është e sigurt, pasi intervalet e fluturimit janë shumë të shkurtra dhe varen nga situata që ndryshon dinamikisht.

Ministri i Mbrojtjes Atanas Zaprjanov theksoi se vendi nuk po merr pjesë në operacionin kundër Iranit, prandaj nuk ka asnjë arsye që Bullgaria të jetë shënjestër e sulmeve nga Teherani. Ai shtoi se SHBA‑të nuk kanë pasur kërkesa shtesë ndaj Sofjes dhe kujtoi se në rast sulmi ndaj vendit do të aktivizohet Neni 5 për mbrojtjen kolektive të NATO‑s.

 

Lexoni më tepër në arkivin tonë:

• Evakuimi i bullgarëve nga Lindja e Mesme do të ndodhë sapo të jetë e mundur
• Nuk ka kërcënim të drejtpërdrejtë ushtarak për Bullgarinë

 

Redaktoi: Ivo Ivanov

Përgatiti në shqip: Vesella Mançeva