Prezantohet zyrtarisht BgGPT 3.0 – gjenerata e re e modelit gjuhësor bullgar

Instituti i Shkencave Kompjuterike, Inteligjencës Artificiale dhe Teknologjive – INSAIT, pjesë e Universitetit të Sofjes “Shën Klimenti i Ohrit”, do të prezantojë zhvillimin e tij BgGPT 3.0 – gjeneratën e re të modelit gjuhësor kombëtar bullgar, njoftoi Ministria e Arsimit dhe Shkencës. Sipas institucionit, kjo teknologji ka rëndësi strategjike për sovranitetin e Bullgarisë në fushën e inteligjencës artificiale.

Në krahasim me versionet e mëparshme, BgGPT 3.0 mund të përballojë detyra shumë më të ndërlikuara dhe specifike, dhe përdorimi i tij është më i lehtë për qytetarët. Kështu, qytetarët bullgarë do të kenë akses në një produkt të nivelit botëror, të trajnuar në gjuhën e tyre amtare, dhe do ta përdorin atë plotësisht lirshëm.

Mësoni më shumë për INSAIT në arkivin e Radio Bullgarisë:

• INSAIT renditet ndër institutet kryesore shkencore në Evropë
• INSAIT fitoi vendin e dytë në një garë prestigjioze të robotikës në SHBA
• INSAIT njoftoi një program të ri EXPLORER për bursa për talente
• Një model i krijuar nga INSAIT u jep robotëve inteligjencë hapësinore tredimensionale
• Hulumtimi i INSAIT mbi krijimin e sistemeve të IA-së nderohet në një forum global

Redaktoi: Miglena Ivanova

Përgatiti në shqip: Svetllana Dimitrova