Kryetarja e Parlamentit bullgar merr pjesë në Samitin e Buças

Kryetarja e Kuvendit Popullor, Raja Nazarjan, mori pjesë në Samitin e dytë parlamentar në Buça, Ukrainë, së bashku me drejtues të parlamenteve të vendeve të tjera nga BE‑ja, Moldavia, Mbretëria e Bashkuar e Britanisë së Madhe dhe Irlandës së Veriut, si edhe me përfaqësues të Parlamentit Evropian, të asambleve parlamentare të NATO‑s dhe OSBE‑së. Forumi është organizuar nga Rada e Lartë e Ukrainës.

“Kjo luftë duhet të përfundojë me një paqe gjithëpërfshirëse, të drejtë dhe të qëndrueshme, të bazuar në të drejtën ndërkombëtare”, deklaroi Nazarjan në takim dhe shtoi se duhet të punohet që tani për rindërtimin pasluftës të Ukrainës dhe për t’i ndihmuar qytetarët ukrainas të ndërtojnë një ekonomi moderne dhe konkurruese.

“Buça është një vend për heshtje të përulur para kujtimit të viktimave, por edhe vendi ku duhet të shpërthejë zemërimi ynë ndaj brutalitetit dhe çnjerëzores”, tha Raja Nazarjan. “Sot fytyrat në portretet e viktimave na detyrojnë të deklarojmë mbështetjen tonë për nevojën e mekanizmave të qëndrueshëm ndërkombëtarë për kërkimin e përgjegjësisë”, theksoi kryetarja e Kuvendit Popullor.

• Bullgaria shprehu solidaritet me Ukrainën për viktimat e Buças
• Bullgaria dhe Ukraina nënshkruan marrëveshje sigurie 10-vjeçare

Redaktoi: Miglena Ivanova

Përgatiti në shqip: Vesella Mançeva